أهم الأخبار الكاتب الصحفي أسامة سلامة يكتب عن الدكتورة «هيلانة سيداروس»    -     «حكماء وشعراء» بقلم غادة زين العابدين    -     نقابة الاطباء تنعي الزميل الدكتور محمد ابو الفتوح    -     لجنة الرواد تعلن عن فرص عمل للأطباء فوق الستين عاماً    -     أهم توصيات مؤتمر النقابات الفرعية الثالث والعشرون: تشديد عقوبة الاعتداء على المستشفيات والمطالبة بإصلاح هيكلي للأجور والحوافز للأطباء    -     النقابة : استقبال الأطباء الجدد دفعة ديسمبر 2018    -     انطلاق مؤتمر الفرعيات الثالث والعشرون    -     اليوم انعقاد مؤتمر النقابات الفرعية الثالث والعشرون بالقاهرة    -    


«ضريبة البلطو الأبيض» بقلم مختار محروس


2020-01-18 00:00:00



«السادة الأطباء الأفاضل مديرو الإدارات الصحية نرجو من حضراتكم التنبيه المشدد على الطبيبات المشاركات فى حملة سرطان الثدى بحضور التدريب غدًا ولن نقبل أى اعتذارات ونرجو من حضراتكم التنسيق لتوفير سيارة للسفر كاملة العدد مع الأخذ فى الاعتبار اللاتى لا يرغبن فى العمل فى الحملة سيتم انتدابهن خارج الإدارة الصحية «.. دى كانت أول رسالة لرحلة الموت لقطف زهرات شبات مصر من اصحاب البلاطى البيضاء..

أرسلها عزرائيل مطالبًا قبل ٤٨ ساعة بضبط وإحضار شابات فى عمر الزهور وصلن لأول محطة لجنى ثمار تفوقهن بعد عذاب السنين لهن ولوالديهن ليحضروا له فى المكان والزمان الذى حدده هو ويهددهن بالتنكيل بهن وتشريدهن حالة تخلفهن عن رحلة الموت فى طريق المار فيه مفقود والخارج منه مولود.

واحدة من الضحايا ترد على فرمان عزرائيل «هو الانسب إن الوزارة تدربنا بإداراتنا وإذا كان لا بد من السفر مينفعش قبلها بيوم.

مسئول الإدارة الصحية بالمنيا يرد على الضحية» والله يا دكتورة انا قلتهم كل اللى بتقولوه ده واكتر كمان بس مفيش فايدة «والله كنت على حق يا حضرة المدير «مفيش فايدة»

لازم اللقطة والسبوبة تتسبك صح.

ضحية أخرى من زهرات شابات المنيا أنا حامل شهرين مش هينفع أسافر دلوقت أو بعدين.

مسئول الإدارة الصحية يرد على رسالة الضحية على الواتس» والله يا جماعة إحنا اتبلغا من الإدارة امبارح العصر.. الضحية» تمام يا دكتورة حطى نفسك مكانا احنا «فيملز» - بمعنى «عائلات»- والمفروض نسافر باليل والمواصلة الوحيدة الأمان القطر ومفيش حجز كمان منعرفش الأماكن هناك ممكن نعتذر ويبعتونا حد المنيا يدربنا كلنا - الضحية تحاول الإفلات هي وزميلاتها من قبضة عزرائيل- ولكن مش قلنا مفيش فايدة.

مندوب عزرائيل» دى تكليف مفيش فيه اختيار اللى معاها طفل تجيبه اللى عندها ظرف دى يوم هنروح الفجر ونرجع بالليل وهيكون يوم جميل مع بعض- كان يوم وجع القلوب يا عمنا ورجعة آخر الليل كانت قاسية علينا وعلى مصر كلها..

طبيبة على «الجروب» ترد: «يعنى ايه اللى معاها طفل تجيبه فى البرد ده حضرتك حاولى تشوفى حل يناسب ظروفنا، حضرتك ال ليكى اتصال مباشر مع بتوع الوزارة شوفى معاهم ممكن ناس تدرب وترجع تدرَّبَ».

مندوبة عزائيل: «خدوا الموضوع ببساطة انا نفسى عندى ظروف كتير والله اكتر منكم ومع ذلك مضطرة أسافر دى الإشارة المرسلة من المديرية وعلى الجميع الالتزام وممنوع الأعذار وفيه غياب وحضور هناك ف حالة الغياب هيتوقع جزى فورى من المديرية».

مندوب عزرائيل: «نفيد حضراتكم انه تم حجز وسيلة سفر إلى مركز تدريب العباسية هتكون بجوار موقف المنيا الجديدة أمام مستشفى الجامعة من الساعة ٣ صباحا حتى ٣.٣٠-على فكره فيه طبيبات من مراكز بعيدة وعشان توصل المنيا الساعة الثالثة بعد منتصف الليل لازم تتحرك من بيتها الساعة واحدة أو اثنين بعد منتصف الليل.

طبيبة على الجروب: «احنا اطباء وموضوع المحاضرة خدناه فى سنة أولى يعنى حاجة تحصيل حاصل.

الناجية من رحلة الموت «الإدارة مكلمنى الصبح أفكرهم بيطمنوا عليا لأن المفروض كنت هسافر معاهم قلولى عندك تحقيق بكرا» -معلهش يا دكتورة سيادته كان لسه مشربش القهوة ولا فاق عشان يعرف ال حصل وكان فى المومرى بتاعته رسائل متخزنة من امبارح-مش قلنا مفيش فايدة وكله حافظ وبس.

الدكتورة راعوث القيس ٢٦ سنة حامل انفجار فى الرحم والجنين مات وحالتها حرجه.

الدكتورة نورا كمال ٢٦ عامًا نزيف بالمخ وكسر بالحوض والفخذ الايسر.. د.نورا نبيل ٢٦ عامًا اشتباه نزيف فى المخ وكسر مضاعف بالساعد الايمن.. د.إيمان عاكف ٢٦ سنة كسر بفقرات الظهر.

ألم يكن من الممكن توفير مدرب لتدريب الأطباء فى المنيا أو إعطاء المحاضرة عن طريف الفيديو «كونفرانس»؟

أبناؤنا يا خيرة شابات بلدى لا يبقى لنا سوى حزن فى القلب ودموع فى العين.. ولن يبقى لأهاليكم وزملائكم إلا استرجاع لكل الذكريات. كنتم معنا بالأمس.. غيبكم القدر عنا اليوم... غابت معكم بسمة الحياة.. انتهت الكلمات.. لتحل مكانها الدموع والآهات. هى وحدها تبقى بعد الفراق ومعها بعض الذكريات… ذكريات سنوات قضيتموها مع الأحبة

نشتاق إليكم.. نتذكرهم.. نبكيكم.. نتمنى لو أن نجلس معكم.. نحاكيكم كما كنا نفعل ولو مرة واحدة..رحلتم تاركين خلفكم فى القلب ألف آآآآه..

رحم الله من توفى وشفا الله من أصيب ولا نقول إلا ما يرضى ربنا إنا لله وإنا اليه راجعون وحسبنا الله ونعم الوكيل.

 

المقال منقول عن موقع جريدة الوفد



التعليقات


لا توجد تعليقات
Powered By | 123Agency © 2015